4th Tamil Quarterly Exam Original Question paper with answer key 2026

4-ஆம் வகுப்பு தமிழ்: முதல் பருவத் தொகுத்தறி மதிப்பீடு வினாத்தாள் மற்றும் விடைகள் (2026-27)

தமிழகப் பள்ளிகளில் நடைபெறும் 4-ஆம் வகுப்பு மாணவர்களுக்கான 2026-27 ஆம் ஆண்டிற்கான முதல் பருவத் தொகுத்தறி மதிப்பீடு (Summative Assessment) தமிழ் வினாத்தாள் மற்றும் அதற்கான முழுமையான விடைகள் (Answer Key) கீழே கொடுக்கப்பட்டுள்ளது. இதனை மாணவர்கள் எளிதில் படிக்கும் வகையிலும், மொபைல் போனில் பார்ப்பதற்கு வசதியாகவும் வடிவமைத்துள்ளோம்.

வகுப்பு	4-ஆம் வகுப்பு
பாடம்	தமிழ்
தேர்வு	தொகுத்தறி மதிப்பீடு - பருவம் 1 (2026-27)
மொத்த மதிப்பெண்கள்	60 மதிப்பெண்கள்

தொகுத்தறி மதிப்பீடு (2026 - 27)

தமிழ் - வகுப்பு 4 - பருவம் 1

நேரம்: 2 மணி மதிப்பெண்: 60

1. முதல் எழுத்தை மாற்றிப் புதிய சொற்களை உருவாக்கி எழுதுக. 5 x 1 = 5

அ) மாலை - காலை, சாலை
ஆ) உள்ளம் - வெள்ளம், பள்ளம்
இ) தட்டை - சட்டை, முட்டை
ஈ) மரங்கள் - கரங்கள், உரங்கள்
உ) ஆணி - ஏணி, பாணி

2. அட்டவணையைப் படித்து வினாக்களுக்கு விடை எழுதுக. 5 x 1 = 5

தந்தவளே	பச்சைப்பசேல்	சுனைகளாகவும் (சுளைகளாகவும்)	கொள்ளிடம்	கொடுத்தவளே
முனைப்பாரி	தெண்ணீர்	தலையாட்டியது	பனை ஓலைக் காற்றாடி	சிலுசிலுவென்று

அ) பலாப்பழத்துடன் தொடர்புடைய சொல் - சுனைகளாகவும் (சுளைகளாகவும்)
ஆ) இது ஒரு விளையாட்டுப் பொருள் - பனை ஓலைக் காற்றாடி
இ) உடல் உறுப்பு மறைந்துள்ள சொல் ஒன்று - தலையாட்டியது (தலை)
ஈ) காற்றை வருணிக்கும் சொல் - சிலுசிலுவென்று
உ) காவிரி ஆற்றின் துணை ஆறு எது? - கொள்ளிடம்

3. நிறுத்தக்குறியிட்டு எழுதுக. 5 x 1 = 5

அ) என்னே அழகு இந்த மரம்
விடை: என்னே அழகு இந்த மரம்!

ஆ) அமுதன் பள்ளிக்குப் புறப்பட்டான்
விடை: அமுதன் பள்ளிக்குப் புறப்பட்டான்.

இ) கரிகாலன் என்ற பெயர் எப்படி வந்தது
விடை: கரிகாலன் என்ற பெயர் எப்படி வந்தது?

ஈ) மஞ்சள் சிவப்பு வண்ணப் பூக்கள் மலர்ந்திருந்தன
விடை: மஞ்சள், சிவப்பு வண்ணப் பூக்கள் மலர்ந்திருந்தன.

உ) தஞ்சாவூர் மாவட்டம் எங்குள்ளது
விடை: தஞ்சாவூர் மாவட்டம் எங்குள்ளது?

4. தொடர் அமைத்து எழுதுக. 5 x 1 = 5

அ) தானியங்கள் - வயலில் தானியங்கள் செழித்து வளர்ந்தன.
ஆ) மழைக்காலம் - எனக்கு மழைக்காலம் மிகவும் பிடிக்கும்.
இ) உண்மை - நாம் எப்பொழுதும் உண்மை பேச வேண்டும்.
ஈ) திருவிழா - எங்கள் ஊரில் கோயில் திருவிழா நடந்தது.
உ) வாழிடம் - காடு விலங்குகளின் பாதுகாப்பான வாழிடம் ஆகும்.

5. காலங்களுக்கு உரிய சொற்களை எழுதுக. 5 x 1 = 5

இறந்த காலம்	நிகழ்காலம்	எதிர்காலம்
அவை பறந்தன	அவை பறக்கின்றன	அவை பறக்கும்
கிளி கொத்தியது	கிளி கொத்துகிறது	கிளி கொத்தும்
மரம் ஏறினர்	மரம் ஏறுகின்றனர்	மரம் ஏறுவர்
நீ பேசினாய்	நீ பேசுகிறாய்	நீ பேசுவாய்
அவன் சிரித்தான்	அவன் சிரிக்கிறான்	அவன் சிரிப்பான்

6. எழுத்துவழக்குச் சொற்களாக மாற்றி எழுதுக. 5 x 1 = 5

அ) அவர் சொன்னதைக் கேட்டியா?
விடை: அவர் சொன்னதைக் கேட்டாயா?

ஆ) வெயிலுக்கு ஏளநீர் குடிச்சால் நன்றாக இருக்கும்.
விடை: வெயிலுக்கு இளநீர் குடித்தால் நன்றாக இருக்கும்.

இ) மழையில் காகிதக் கப்பல் மிதந்து வந்துச்சு.
விடை: மழையில் காகிதக் கப்பல் மிதந்து வந்தது.

ஈ) ஒண்ணாந் தேதி பந்து வாங்கித் தருகிறேன்.
விடை: ஒன்றாம் தேதி பந்து வாங்கித் தருகிறேன்.

உ) பதநீர் இனிப்பாக இருந்துச்சா?
விடை: பதநீர் இனிப்பாக இருந்ததா?

7. பிழை நீக்கி எழுதுக. 5 x 1 = 5

பருவமழை நன்றாகப் பொழிந்தன. வளவன், தன் அப்பாவுடன் விவசாய வேலை செய்து கொண்டிருந்தது. தங்கை மரத்தடியில் விளையாடியது. அப்பா நீர் பாய்ச்சும் பகுதியைச் சீரமைத்துக் கொண்டிருந்தான். மாலை அனைவரும் வீடு திரும்பியது.

சரியான பத்தி:
பருவமழை நன்றாகப் பொழிந்தது. வளவன், தன் அப்பாவுடன் விவசாய வேலை செய்து கொண்டிருந்தான். தங்கை மரத்தடியில் விளையாடினாள். அப்பா நீர் பாய்ச்சும் பகுதியைச் சீரமைத்துக் கொண்டிருந்தார். மாலை அனைவரும் வீடு திரும்பினர்.

8. பாடலைப் படித்து வினாக்களுக்கு விடையளிக்க. 5 x 1 = 5

மழையே மழையே வந்திடுவாய்
பசுமை எங்கும் செழித்திடவே
உழவர் உள்ளம் மகிழ்ந்திடவே
உலகின் பசியைப் போக்கிடவே
ஏரி குளங்கள் நிறைந்திடவே
மரங்கள் செடிகள் வளர்ந்திடவே
பூக்கள் பூத்துக் குலுங்கிடவே
மழையே வந்து பொழிந்திடுவாய்

1) உலக மக்களின் பசியைப் போக்குவது-
அ) மழை    ஆ) மரங்கள்    இ) பூக்கள்    ஈ) உழவர்

2) முதல் எழுத்து ஒன்றுபோல் அமையாத சொல்லைக் கண்டறிக.
அ) பசுமை - பசியை    ஆ) உழவர் - உலகின்    இ) வந்திடுவாய் - வளர்ந்திடவே    ஈ) ஏரி - மரங்கள்

3) அடுக்குத் தொடர் எது?
அ) ஏரி குளங்கள்    ஆ) உயர்ந்த உள்ளம்    இ) மரங்கள் செடிகள்    ஈ) மழையே மழையே

4) ஒத்த ஓசைச் சொற்களை எடுத்து எழுதுக.
விடை: செழித்திடவே - மகிழ்ந்திடவே - போக்கிடவே - நிறைந்திடவே - வளர்ந்திடவே - குலுங்கிடவே. (அல்லது) வந்திடுவாய் - பொழிந்திடுவாய்.

5) பாடலில் உள்ள பன்மைச் சொற்களை எடுத்து எழுதுக.
விடை: குளங்கள், மரங்கள், செடிகள், பூக்கள்.

9. பத்தியைப் படித்து விடையளிக்க. 5 x 1 = 5

அமுதன், அதிக செலவு செய்யும் பழக்கம் கொண்டவன். அவன் தாத்தா, சேமிப்பு பற்றிய கதை ஒன்றைக் கூறினார். அவனுக்கு அந்தக் கதை மிகவும் பிடித்திருந்தது. தானும் சேமிக்க வேண்டும் என நினைத்தான். அம்மாவிடம் கூறினான். அம்மா, உன் சொந்தப் பணத்தில் உண்டியல் வாங்கு. சேமிக்கத் தொடங்கு. சேமிப்பினால் ஏற்படும் மகிழ்ச்சியை நீ உணருவாய் என்றார். அமுதனும் சிந்திக்கத் தொடங்கினான்.

1) சரியான தொடரைக் கண்டறிக.
அ) உண்டியல் வாங்குவதற்கு அம்மா பணம் கொடுத்தார்.
ஆ) அமுதன் மண் உண்டியல் வாங்கினான்.
இ) தாத்தா அமுதனுக்கு உண்டியல் வாங்கிக் கொடுத்தார்.
ஈ) சொந்தப் பணத்தில் உண்டியல் வாங்குமாறு அம்மா கூறினார்.

2) அமுதன் எதைப் பற்றிச் சிந்திக்கத் தொடங்கினான்?
அ) கதை கேட்டல்    ஆ) சேமிப்பு செய்தல்    இ) உண்டியல் வாங்குதல்    ஈ) செலவு செய்தல்

3) தாத்தா சேமிப்பு பற்றிய கதையைக் கூறினார்.

4) அமுதனிடம் இருந்த பழக்கம் அதிக செலவு செய்யும் பழக்கம்.

5) இப்பத்தியில் இருந்து வினா ஒன்றை உருவாக்குக.
விடை: அமுதனுக்குச் சேமிப்பு பற்றிய கதையைக் கூறியது யார்?

10. கதையை நிறைவு செய்க. 5 x 1 = 5

ஓர் ஊரில் இரண்டு நண்பர்கள் வாழ்ந்து வந்தனர். ஒருமுறை இருவரும் பாலைவனத்தின் வழியே பயணம் செய்தனர். வெயிலும் கடுமையும் அவர்களின் பயணத்தைக் கடுமையாக்கின. தண்ணீர் தாகத்தால் தவித்தனர். அப்போது...
தொலைவில் பசுமையான சோலை ஒன்று இருப்பதைக் கண்டனர். மிகுந்த மகிழ்ச்சியுடன் அங்கு சென்று குளிர்ந்த நீரை அருந்தித் தங்கள் தாகத்தைத் தீர்த்துக்கொண்டனர். அங்குள்ள மரத்தடியில் சிறிது நேரம் ஓய்வெடுத்துவிட்டுத் தங்கள் பயணத்தைத் தொடர்ந்தனர்.

11. நூலகம் அமைத்துத் தரவேண்டி ஊராட்சி மன்றத் தலைவருக்கு விண்ணப்பம் எழுதுக. 1 x 5 = 5

அனுப்புநர்
ஊர் பொதுமக்கள்,
ஊராட்சி மன்றக் குடியிருப்பு,
அரூர்.

பெறுநர்
ஊராட்சி மன்றத் தலைவர்,
ஊராட்சி மன்ற அலுவலகம்,
அரூர்.

மதிப்பிற்குரிய ஐயா,

எங்கள் பள்ளியில் பேச்சுப்போட்டி நடைபெறுகிறது. புத்தகம் தேடி பக்கத்து ஊர் நூலகம் சென்றோம். எங்கள் ஊர் மாணவர்களின் அறிவுத் திறனை வளர்க்கவும், பாடப்புத்தகங்கள் தவிர்த்துப் பிற நூல்களைப் படிக்கவும் எங்கள் ஊரிலும் ஒரு புதிய நூலகம் அமைத்துத் தருமாறு பணிவுடன் கேட்டுக்கொள்கிறோம்.

நன்றி.

இப்படிக்கு,
தங்கள் உண்மையுள்ள,
(ஊர் பொதுமக்கள்)

12. படத்தைப் பார்த்து ஐந்து தொடர்கள் எழுதுக. 5 x 1 = 5

1. பள்ளி மாணவர்கள் பள்ளி வளாகத்தில் மரக்கன்றுகளை நடுகின்றனர்.
2. ஒரு மாணவி செடிகளுக்குத் தண்ணீர் ஊற்றுகிறாள்.
3. சில மாணவர்கள் குப்பைகளைச் சேகரித்துச் சுத்தம் செய்கின்றனர்.
4. அனைவரும் ஆர்வமுடன் தூய்மைப் பணியில் ஈடுபட்டுள்ளனர்.
5. பள்ளிக்கூடம் பசுமையாகவும் தூய்மையாகவும் காட்சியளிக்கிறது.